Det bruker å vere stor stas å få flytte opp på Hjerteromet, når sommaren er på hell, er dei fleste klar for avdelingsskiftet!😍

Sidan vi er ein liten barnehage, opplevast ikkje overgongen så stor. Barna på Armkroken ser personalet på Hjerteromet dagleg i areal vi går gjennom fleire gongar for dag, inne på  på avdeling Armkroken. Vi møtest i felles uteleik o.l. 

På våren sikrar vi overgongen med nokre tryggingstiltak:

• Dei eldste barna frå Armkroken og dei yngste frå Hjerteromet, er på fellesturar i nærmiljøet saman for å verte betre kjent.
• Vi legg tilrette for besøksdagar på Hjerteromet der dei som skal flytte opp hospiterer.
• Vi samtaler med barna om avdelingsskiftet.
• Armkroken nyttar leikearealet inne på Hjerteromet etter sovetid, så ofte som råd utover våren. Slik skaper ein kjennskap til lokala, og forventning til framtidige leikerammer. 
• Enkelte år høver det slik at kjent personal vert med over til ny avdeling. 
• I ferietida er vi oftast saman på tvers av avdelingane, slik vert det ein glidande og fin overgong.

Føresette som ynskjer det får tilbod om overgongssamtale.

Er det noko du lurer på, så nøl ikkje med å ta kontakt før, etter eller undervegs😊